خبيصة العنب
من الحلويات التقليدية بالقرى اللبنانية
مقدمة من / نورما العليّ
وقت التحضير / 15 دقيقة
وقت الطهي / 10 دقائق
المقادير :
كمية من العنب مغسول جيدا
لكل كوب عصير عنب
ملعقة كبيرة نشا
3 ملاعق سكر
الطريقة :
– نغسل العنب ونعصره بالبلندر ونصفيه
– نحطه بالطنجرة لكل كوب عصير عنب ملعقة اكل نشا و3 ملاعق اكل سكر والعنب بيكون ابيض
– نحركه عالبارد ليدوب النشا والسكر وبعدين نحطه عالنار مع التحريك ليغلي ويتقل
– قديما كانو يعصروه ويحطوا عليه نوع من التربة اسمها حوارة ويخلوها من عشية لتاني يوم يصفوه ويحطوا بعدين النشا وشويه سكر مش كتير ويغلوه الحوارة تمتص حموضة العنب وكانت الكميات كبيرة كانوا يعملو مثلا فوق 30 كيلو عنب وبعد ما ينغلى ويتقل ويشتد يمدوا على ملاحف بالشمس لينشف متل قمر الدين
– وبعدين نحط قسم كمان كاسات متل المهلبية وعليها الجوز كتير كتير طيب
كتير بالغربة افتقدنا هلاكلات التراثية وبوجودي هون عم ارجع اتذكرها واكلها
يلا جربوها و الف هنا على قولبكم يارب
مدير مطبخ سحر الحياة / نيفين منصور
