صائغ القوافي الشاعر
فهد بن عبدالله الصويغ
قل ياليل بأي نجم يرفرف هواه
ووين بلقاه لو غفت لحظه عيني
تدري يا ليل إن الروح كلها معاه
وإنه سكن قلبي واليوم ما يجيني
خبرني يا ليل وين اللي أتمناه
و ليه غايب صوته ماعاد يناديني
تعب القلب وهو ينطر لحظة لقاه
مدري يا ليلي ليه حبي ناسيني
بعد ما تأكد إنه للقلب هو مناه
غاب عني ولا عاد يلتقي فيني
أحلفك بحق من خلقه و سواه
ليه غاب عني وكأنه صار معاديني
هذا جزاتي لأني خبرته بغلاه
قول ياليل ليه بنار هجره يكويني
ليتني كنت مثله أقدر أنساه
ولا قلبي كان يوم ملك يميني
عز الله من بعد حبي ذوقت الأه
وأنا من حسبته من الهم يداويني
زود الجرح علي بنار فرقاه
حسبي على من فرق بينه وبيني
ليتك تخبرني ياليل إشلون أسلاه
وهو من جعل دنيتي تراضيني
أه يا ليل أه من مر ذقته بهواه
لكثر دمعي ماعاد طبيب يشفيني
نساني من حسبتني عشقه ورجاه
و نسى حب سكن كل شرايني
قسم يا ليل البعد أنا مقواه
ليته يجي مره أشوفه و يلاقيني
تدري العشق موت لو حبك مابغاه
يا ليتني أعرف أسباب من يعنيني
كل العذر له لو كان صعب ملقاه
ليت من يجي و يطمن مظانيني
أحتار القلب وأحتار نجمي بسماه
إشلون أرتاح و البعيد نظر عيني
مدير قسم الادب والشعر
علا السنجري
