بالفيديو.. أسامة كمال: نعيب الفيس بوك والعيب فينا

سامح عبده

خصص الإعلامي أسامة كمال، مقدمة برنامجه “مساء dmc”، للحديث حول مدى ارتباط موقع الفيس بوك بالشائعات، مؤكدا أن العيب ليس في الإنترنت ولكن في استخدامه.

وبدأ كمال حلقة الأربعاء، متسائلا: هل احنا ضحايا الفيس بوك أم أن الفيس بوك ضحية لينا؟ يعني هل مواقع التواصل الاجتماعي هي السبب الرئيسي في انتشار الشائعات والأخبار المغلوطة والقيل والقال وبالتالي طول الوقت الناس بتتهمها انها السبب في بلاوي كتير احنا عايشينها؟ ولا احنا كدة وخلقتنا كدة فلما تقع في ايدينا أي أداة، من أول الكلمة المنطوقة المتوشوشة في الودان للمسمار اللي اتنقش بيه على الحجر لحد مواقع التواصل وما خفي كان أعظم بنستخدمهم عشان نطلع موهبتنا القديمة المتأصلة فينا من زمن،

وكما قال الإمام الشافعي “نعيب زماننا والعيب فينا وما لزماننا عيبٌ سوانا”، ونحن نعيب الفيس بوك، رغم أننا مش فيس بوك واحد، دة احنا فيس مكتبة”.

وختم كمال كلامه قائلا : “ما تلوموش مخترع العربية اللي ركبها شاب متهور قتل بيها الناس ولا تعيبوا ع الكهربا اللي سبنا طفل يحط صباعه في الكوبس من غير ما نراقبه، العيب عيبنا وعيبنا من زمان والعلاج في ايدينا احنا مش بالغاء لا العربيات ولا الكهربا ولا الانترنت.. ومش بقطع السنتنا، لكن بحفظها وبتشغيل أدمغتنا اللي استبدلناها بألسنتنا”