ناهد عوني إعلامية شابة ومتميزة، تروي لنا قصة نجاحها وكيف استطاعت أن تذلل ما واجهته من عقبات وتشق طريقها نحو النجاح
إسمى ناهد عوني ٢٧ سنه حلمي من وانا صغيرة اكون اعلاميه كبيره رغم اني كنت من الزقازيق وكانت كل الظروف ضدي ، حتي البيت عندي ولا اي حد غير بابا الله يرحمه هو اللي كان امنية حياته يشوفني مذيعه، وانا قولت الكلام دا اكتر من مره في اكتر من برنامج .
دخلت حاسبات في الزقازيق وسبتها لاني مش بحبها، واشتغلت صحفيه في جرنال في الزقازيقن وقدرت اثبت نفسي وانا عندي ١٩ سنه وبقيت من اشطر واكبر الصحفيين في الزقازيق، في فتره قصيرة وكنت صحفيه قسم حوداث .
اخدت قرار اني لازم انتقل القاهره وادخل الكلية اللي بحلم بيها ومش هضيع دقيقه من عمري تاني، وبالفعل نقلت القاهره ودخلت كلية اعلام وقبلت واتخرجت السنة دي وكانت بدايتي في الأربع سنين اللي فاتوا دول بعد انتقالى للقاهرة انى اشتغلت مذيعة راديو وبعدها ربنا وفقني واشتغلت مذيعه رياضيه فترة وبعدين استقلت لظروف شخصية .
نصحيتي لاي بنت : اوعي تتنزلي عن حلمك ولا شغلك ابدا لأى سبب لا اكبرى واحلمي واوعي حد يكسر حلمك ولا يكسرك ابدا وافضلي اشتغلي علي نفسك وحاربي كل الدنيا علشان تنجحي حتي لو اهلك نفسهم .
انا عمري ما حد من اهلي واقف جنبي وكلهم كانوا ضدي والله ودلوقتي هما بيتشرفوا بيا اللي عاوزه اقوله بلاش تقتلي حلم جواكي واتحدي العالم كله ولو الفرصه مش موجوده دلوقتي هاتيجي بعدين بس احلمي انتي .
