قال _ الشهيد
بقلم : اسيا بدر
حطيت قلبي على كفى
وسهران على البلد مكفي
ويلي في الحياة ويلين
بين كره العدو وبين كره أهل بلدي
مش كلنا وحشين ولا كلنا اوغاد
حتى اسألوا أهلي
ليه الجفا والبعاد
طب شوفتوا إيه مني
للكل ميعاد ياهل الجور العناد
كفيت وواقف قصاد ربي
شايل سلاح وعتاد
بحلم بيوم فرحي
عمري ما لازمت الحياد
ولا قلت يوم احتاط
ويوم ماعود يحلوا عني الرباط
واتزف أنا ولحدي
وهتقولوا إيه لأمي
ودعتها ما أنا معتاد
وقالت عليك لهفي
هتمر كيف أعياد
وأنت مش حدي
قلت اصبري يا أمي واحتسبي
رئيس قسم هو وهي :داليا طه
