من الاصناف المحبوبة من حلويات المولد
مقدمة من شيف / محمد عبد الباسط
وقت التحضير / 15 دقيقة
وقت الخبز / 20 دقيقة
المقادير :
200جم جوز هند ناعم
150جم سكر عادى
50جم دقيق
70جم سمن بلدى
50جم عسل جلكوز
25جم سميد بسبوسة
50جم لبن او كريم لبانى
لعمل الشربات :
200جم سكر
100جم ماء
معلقة صغيرة عسل جلكوز
يعنى شربات تقيل زى شربات الكنافة والزيوت
الطريقة :
– حاجة بسيطة جدا نخلط المكونات الجافة كلها وبعدين نفرك فيها العسل الجلكوز وياريت تكون دافى علشان يدوب معنا بسرعة
– بعدين نزل بالسمن ونفرك برضو وفى الاخر بنزل باللبن الدافىء ويعجن بهدوء بقى
– بجيب صينية مقاس 24سم وتدهن سمن وبعدين بنفرد عليها ورق زبدة وتدهن مرة اخرى بالسمن ويفرد الخليط فيها زى البسبوسة ويكن رش بندق مكسر او بلاش وتكون سادة عادى وتدخل الفرن لمدة 25 دقيقة بدرجة 170 وبعد احمرار الوجه ويصب عليها الشربات البارد وتترك وقت طويل او تانى يوم وتقلب على الوجه ويقشر الورق وتقطع وتحفظ مغلفة حتى لاتنشف والف هنا…..يلا اعملى ووفرى
و الف هنا على قلوبكم يا رب
مدير مطبخ سحر الحياة / نيفين منصور
