بقلم : داليا طه
الزوج
نختلف او نتفق ان زواج عمتا رزق قد يكون نعمه او ابتلاء وفي الامثله الشعبيه كانوا بيقولوا على الزواج انه زى البطيخه ياطلعت قرعه ياطلعت حمرا والحقيقه فعلا ان الزوج رزق ورزق في الدنيا والاخره في ازواج اتربوا على حب المساعده للاخرين سواء داخل البيت او خارجه ودايما عندهم اقدام على المساعده سواء قادرين انه يتمموا المساعده على اكمل وجه او مجرد مساعده لتخطى جزء من الصعوبه وده بيكون اتعود انه يعمل كوبايه شاي لو عايز يقوم يشرب مايه لو عطشان زوجته تعبانه يساعدها في البيت لو معرفش يعمل اكل يشتري المهم يريحها الفتره دى من حمل هو البيت ومسؤلياته اللى مابتخلصي والنوع ده من الرجال تعبيره لزوجته عن حبه بعيد عن التعبير اللفظى وهو بحبك تعبيره بيكون بافعال لان ده بالنسبه ليه هو ده التعبير عن حبه المساعده وفي حين اخر بيتعامل بنوع من التعالى من زوجته عايز كوبايه المايه على السرير عايز الفطار على السرير مايقدرش يحرك حاجه او يعمل اى شيء وكان زوجته مجرد خادمه بدون اجر لو اشتكت او تالمت او مرضت ورقدت كان زوجته مالهاش حق حتى لو بكلمه او طبطبه او اى حاجه والست دى يابتمرض ياتفضل بصه على معامله اى حد بيعامل زوجته احسن منها ودى غالبا بتبعت لامها او اختها مش علشان تخدمها لا علشان تخدم الزوج والعيال علشان زوجها يرضي عليها وفي اخر معسول الكلام يعمل كل شيء ويطلب كل شئ وعلشان يوصل لكل اغراضه لسانه بينقط سكر يتمسكن لغايه يوصل لاما لمكانه هو عايزه وياخد برستيج عائلي عالى وسط الزمايل او علشان يوصل انه يخلي زوجته تصرف زيه وده كله بسبب كلامه المعسول زياده عن اللزوم لكن من ناحيه تانيه في و احد بيتقي الله في كل تصرفاته مع زوجته سواء كلام او تصرفات او مساعده
علشان كده بنقول الزوج رزق سواء حلو او وحش بخيل او كريم حنين او قاسي ديمقراطى او ديكتاتورى المهم الزوجه تعرف نعمتها فين وابتلاءها فين وتحاول تتعلم الصبر والزواج يتبنى على اساس الموده والرحمه والصبر والسعي والاصرار انى انجح العلاقه ويكون في نيه الاخلاص وحب الاسره
رئيس قسم هو وهي : داليا طه
