حوار : داليا طه
حوارنا مع شخصيه من الشخصيات اللى اثرت في كثير بافكارها وتطورها ما يناسب جميع الاجيال والظروف والمناسبات التى بنمر بيها في حياتنا جميعا مع ملكه الاتيكيت والرقي ريبورتاجنا عن رحاب المحمدي الانسانه فتحت قلبها لسحر الحياه وقالت
الاسم :رحاب محمد المحمدى
المؤهل : ليسانس الاداب قسم إعلام تخصص أذاعه وتليفزيون
مذيعه فى إذاعه رحاب اف ام/خبيرة فى فن الإتيكيت يتم استضافتى فى برامج المرأة لعمل فقرة عن فن الإتيكيت
ماهو حلم طفولتك؟
حلمى منذ الصغر ان أكون مذيعه إذاعيه لأن الإذاعه هى الشغف والعشق بالنسبه لى قدرت احقق حلمى بشكل كبير وراضيه عن الجزء اللى اتحقق واطمح فى المزيد انى أكون جزء من إذاعه مشهورة ولى برنامج يومى متميز إن شاءالله
من مثلك الاعلي في حلمك ؟
مثلى الأعلى كل إنسان محترم وناجح فى مجاله بيكون مثل يحتذى به وكأسماء إعلامين فى مجالى أتمنى أكون فى مكانة يحترمها الناس ويقدرونها مثال أستاذة يناس جوهر وأستاذة سناء منصور
فاكره اول عمل عملتيه ؟
اول عمل كنت بتدرب فى الإذاعه مع زملاء فى برنامجهم واخذونى فى فقرة وطلبوا منى اقوم بيها لوحدى بدون مساعدة أحد أعدها واقدمها من خلال برنامجهم وفكرت كثير وقتها وقررت اعمل فقرة عن الأمثال الشعبيه وكتبت اسكريبت حلو اوى وذاكرت كويس والفقرة نجحت اوى اوى وكانت السبب فى إسناد برنامج كامل خاص منفردة
مين اكتر واحد شجع رحاب المحمدي ؟
افضال الآخرين على كثير اوى لكن ممكن اقولك شجعونى والدتى واهلى والأهم احمد زوجى اللى مؤمن بى بشكل كبير اوى
ماهو السبب الاساسي في عملك كمذيعه؟
سبب عملى كمذيعه انسانه محترمه وجميله واعلاميه راقيه جدا هى المذيعه هبه الجارحى يمكن اول مرة حد يعرف على الملاء كلامى دة
فى يوم كنا مع أصحاب مشتركين بينى وبين هبه وقاعدين نتكلم كلنا وهى أول مرة تشوفنى ومتعرفش عنى اى شيء وله شهادتى وله هواياتى وفجاه واحنا كلنا بنتكلم وبنتجاذب أطراف الحديث لقيتها بتقولى بطريقه جميله ومهذبه انتى ليه مش بتشتغلى مذيعه يارحاب وباعجاب شديد اوى ضحكت وقلت لها دة حلم حياتى قالتلى ولازم تحققيه ووقتها عرفت منها معلومات عن اذاعه رحاب اف ام وأنها قريبه من بيتى وان الفنان الكبير حميد الشاعري هو صاحب الاذاعه وكان الخيط الرفيع اللى مشيت عليه وبحثت عن مكان الاذاعه وبدأت اهم خطوة فى حياتى ويمكن هبه مش فاكرة الموضوع بس فى الحقيقه انا بدين لها بفضل كبير اوى
كلمينا عن رحاب الام والزوجه ؟
انا ام لوالدين زياد ومهند واتمنى ان لكل واحد فيهم يحقق حلمه وطموحه
كنت عاوزة اقول أن احمد جوزى هو الداعم الاساسى لى وأنه وقف جنبى كثير اوى واتحملنى فى انشغالات كثير ودايما كان بيشوفونى بصورة حلوة وانى استاهل أكثر من كدة كثير ولازم اوصل لشيء واكون اسم مهم
احلي لقب لقبوه لرحاب المحمدي ؟
ملكه الاتيكيت
