ولاء ضيف
أنا الأقصى وبدعيكوا………… .ياعرب تشبكوا ايديكوا
ده أنا الماضي وأنا الحاضر… .وأنا الجنه في اراضيكوا
انا المنشر وأنا المحشر..وأنا اللي في حضني ححميكوا
بلاش تستهونوا بيا. …………….بلاش الدنيا تلهيكوا
ده انا قبلتكم الأولى. ……………ورحمة ربنا عليكوا
خلاص سيبتوني في ايديهم… …وأنا بصرخ واناديكوا
أنا مسجدكم الأقصى. ..أكون معبد !!!!! ده يرضيكم
أكون هيكل لأعداء خانوا عهد رسولكوا قبليكوا .!!!!!
لقتله أنبياء الله. !!!………خلاص الطهر مات فيكوا
مافيش تاني صلاح الدين. .خساره يكون في وسطيكوا
مادام بعتوا مادام خنتوا. …..ودوستوا الخير برجليكوا
ياريت توفروا كلامكوا. ………وتبنوا حيطان تداريكوا
وتتغطوا باعذاركوا. …………..وخزي الكون يدفيكوا
ماهي الفرقه بتجمعكوا. ……..وللمجهول حترميكوا
خلاص مات الكلام بينا…….وده ماكنش العشم فيكوا
مدير قسم الادب والشعر
علا السنجري
