مقدمة من / أمل رامي
وقت التحضير / 15 دقيقة
وقت الطهي / 50 دقيقة
المقادير :
بطة وزنها حوالى 3كيلو.
،،،للنقع،،،،،
ماية….ست معالق كبار ملح…..3معالق كبار سكر.
،،،للتتبيل،،،،
،،بصلة كبيرة
،،طماطماية كبيرة
،،قرن فلفل رومى كبير
،،عصير وبشر برتقالة كبيرة
،،خل وليمون وزيت
،،ملح وفلفل وبهارات فراخ وزعتر وبابريكا وجنزبيل بودر
،،4معلقة كبيرة صويا صوص
،،،الأرضية،،،
،،بصلة كبيرة مقطعة جوانح
،،جزرة كبيرة شرايح
،،طماطماية كبيرة شرايح
،،خمس فصوص توم كبار شرايح
الطريقة :
1• نغسل البطة كويس جدا وننغز صدرها بسكينة رفيعة .
2• بنجيب بولة كبيرة ونحط فيها الماية والملح والسكر وننقع البطة حطيها على صدرها من بالليل.
3• تانى يوم الصبح نحضر التتبيل نضرب البصل والطماطم والفلفل فى الكبة ونفضيهم فى بولة ونضيف عليهم كل البهارات والخل والليمون والزيت والبرتقال والصويا صوص ونقلب كويس ونحط البطة ونتبلها ونسيبها حوالى ساعتين.
4• نجيب صينية ونحط فيها خضار الارضية وعليه شوية من تتبيل البط ونقلب كويس .
5• نحط البطة فوق الخضار وندخلها فرن سخن
أول نص ساعة نفتح الشواية البطة تاخد لون بعد كدة نطفى الشواية ونفتح الفرن ونغطى الصينية بورق فويل ونسيبها حوالى ساعتين
على درجة حرارة 180.
و الف هنا على قلوبكم يارب
مدير مطبخ سحر الحياة / نيفين منصور
