كتبت استايلست وخبيرة مظهر نشوى لطفي
من أجمل الإطلالات اللون البنفسجي فهذا اللون يرتبط بالفخامة. ويرجع ذلك لارتباط البنفسج بالملوك والأباطرة ، كما أنّ هذا اللون بجاذبيته ورونقه كان من الألوان المفضّلة للملكة كليوباترا. فهل ستتبعين خطاها وتختارينه كالون لإحدى مناسباتك المميزة؟
اليك بعض النصائح التي تقدمه لك خبيرة المظهر نشوى لطفي عند ارتدا
1.وهو من الالوان اللى بتضيف رقة وانوثة على مرتديها وتعطى احساس بالنعومة والجاذبية،
2. مع اصحابك والحصول على اطلالة كاجوال مفعمة بالطاقة والحيوية اختاريه مع الدرجات : البرتقالي والاخضر والاصفر
3. للحصول على لوك عملى متحفظ وجاد نسقيه مع درجات محايدة زى الاسود او الرمادى والابيض والبيج.
4.في مناسبات السهرة لفساتين السواريه والكوتيور: اختاري معاه اللون الذهبي سواء في الاكسسوار او التطريزات على الفستان ، كمان السيلفر او الفضي اللامع و الذهب الابيض بيزيدوا من فخامة وثراء اللون واللى بينعكس على اطلالتك.
5. لو محجبة يفضل الابتعاد عن انك تلبسيه نفس لون الفستان واختارى درجة افتح او السيلفر .وتجنبي تماما ارتداؤه مع اللون الاصفر في السواريه
6. لو انتى شخصية خجولة ابتعدى تماما عن تنسيق الدرجة دى مع الالوان الحارة او الالوان الدافئة مع بعض اللى هم الاحمر والاصفر والبرتقالى واقبلي على تنسيقه مع الالوان الباردة زى اللبني والاخضر الفاتح واللافندر او حتى لون محايد زى الرمادى
7. لو صاحبة بشرة سمراء ولو انتى فاكرة ان اللون دة مش هيليق عليكي تبقي غلطانة لان كل خبراء الموضة بيأكدوا ان الدرجة الدافئة منها يعني اللى مايلة الاحمر بتليق جدا على البشرة السمراء.
8.لو شكل جسمك كمثري pear shape يفضل ارتداء الدرجة دى والاغمق منها كمان في الجزء الاسفل من الجسم ونسقيها مع بلوزة او توب باللون الاصفر او الاورانج او الاوف وايت فى الجزء الاعلى من الجسم والعكس صحيح لو جسمك على شكل المثلث المقلوب
