اللوحة للفنان حسين نوح
شعر
هشام نوح
___________________
وساعات كتير حاجات..
مقدرش احكيها …
بوديها لابعد ….
نقطة ف الروح
بخليها شعره معاوية
بين نفسى واحزنها
بعديها معايا ….
بكره بالعافية
بنديها بالندى الموقف
من سنين
على بابك
بسهيها كتير بحدوتة
عن الاطفال
بداويها بحنضل صبر..
من زمن ايوب
بغنيها مواويل …
تشرخ روحى …
وارميها على السكة
بسويها على نار
قايدة من ….
زمن فات
يدفيها حطب عمرى
بوضيها بماء النيل
تصلينى ايات الكفر.
اسميها باسماء مبعرفهاش
حاجات مقدرش احكيها
مدير قسم الأدب و الشعر
علا السنجري
