شيرين محمد مدربة تربية إيجابيه معتمده من مؤسسة التربية الايجابيه الامريكيه
استكمالا لمقال الخلافات الزوجية في ناس بعتت ليا طيب انا بيحصل خلافات بيني وبين زوجي وللاسف مش هينفع ننفصل لظروفي طيب اعمل ايه عشان ده ميأثرش علي نفسية اولادي …. اول حاجة نراعي ان لو فيه اي خلاف بلاش يحصل قدام الاولاد ولا هم يكونوا طرف فيه .. يعني نحاول لما تحصل مشكله بينك وبين زوجك تكون بعيدا عن الاولاد … طيب حصل المشكله قصادهم نحاول نقعد مع الطفل ونشرحله اننا عادي ممكن نختلف بس ده مش معناه ان احنا مش بنحبك احنا بنحبك مهما حصل عشان يحس بالامان تاني …. بلاش بقي كل ام و اب تدخل اولادها طرف في المشكلة وتقوله شوف بابا بيعمل ايه او شوف ماما بتعمل ايه انتو كده بتكرهوه في الطرف التاني … بلاش تتكلموا عن بعض وحش قصاد الاولاد وبلاش كمان لو الاب اوالام غلطوا نقعد ندي مبررات للطرف الثاني ونقعد نقول ماما كويسه هي متقصدش تعلي صوتها نقول الحقيقه ونعبر عن مشاعرنا انا كنت غضبانة وقتها فعبرت عن مشاعري بطريقة غلط…… و مينفعش كمان ننتقد اسلوبنا في تربية اولدنا قصادهم
دمتم إيجابين
رئيس قسم انت الحياه: داليا طه
