بقلم / ريهام مصطفى
الوحدة مش إنك
تكون عايش لوحدك..
الوحدة إنك تبقى
وحيد فى وسط لمة
وزحمة مش شايفاك..
ودايرة تلف بيك فى
وسط هيصة ودوشة
مش سمعاك ..
الوحدة سر كبير
طول عمره زى البير
لو مهما قيسته كل
يوم هايزيد ..
ماهو شىء مش بالإيد
ده قلب فجأك بحجر
وحطك فى حيرة وضجر
فوقت فى يوم
ملقتش فيه الفرح..
والحب عنوانه ضاع
مابين كل الجراح
ولو مهما عمرك راح
الوحدة بردو وراك..
من حقك يوم ترتاح
الوقت لسة مباح
ضيعه لو حتى لوحدك
الفرح هناك يلقاك ..
ساعتها هاتبقى
الوحدة فى بعدك عنهم
زى نار بتحرقهم
وتطفى أنت حياتك
ولا حاجة فى الكون
شغلاك وقتها بس
هاتقول أنا مرتاح .
