مقدمة من / مروة كمال
وقت التحضير / 15 دقيقة
ساعة تخمير
وقت الخبز / 25 دقيقة
المقادير :
٣ كوب ونصف دقيق
ملعقه كبيره خميره
ملعقه كبيره سكر
ملعقه صغيره ملح
ملعقتين كبار زبده طريه او زيت زيتون او اي زيت
٣ ملاعق كبار زبادي
٢ معلقه كبيره لبن بودره ( اختياري)
ملعقة خل
كوب لبن حليب دافي
ربع كوب ماء دافي ( علي حسب احتياج العجينه)
(ممكن نضيف نصف كوب دقيق سميد مع الدقيق العادي ونكمل عجن )
هنحتاج للوجه صفار بيضه مع معلقه لبن او زبادي مع معلقه خل ورشه نسكافيه بودره
الطريقة :
– نخلط الخميره والسكر والملح والزبادي والزيت واللبن والخل واللبن البودره كلهم مع بعض
– نضيف الدقيق المنخول ونعجن ولو احتجنا ممكن نضيف الميه الدافيه
– هتتكون معانا عجينه ملزقه شويه مش ناشفه
– نضع العجينه في طبق مدهون زيت ونغطيها ونتركها ساعه تخمر
– نقسم العجينه الي اجزاء انا عملت منها رغيفين كبار جدا ممكن تصغري انت الحجم لو تحبي
– كل جزء نفرده دايره او علي شكل بيضاوي علي صاج مدهون او علي ورقه زبده
– نجهز طبق فيه معلقه دقيق ندوبها في شويه ميه نغمس اصابع ايدينا فيها ونبدأ نضغط علي الرغيف بصوابعنا عشان نعمل الخطوط اللي في الصوره
– نغطي الرغيف يخمر عشر دقايق كمان وبعدين بشوكه نخرم الاماكن اللي عملناها بصوابعنا
– ندهن الوش ونرش حبه البركه او سمسم وندخلها فرن علي ٢٠٠ درجه لمده ٢٠ او ٢٥ دقيقه
– لما تطلع نعطيها بفوطه جيدا حتى لا تجف
و الف هنا على قلوبكم يارب
مدير تحرير قسم المطبخ بمجلة سحر الحياة / نيفين منصور
