نشوى الحوفي تكتب
في الخمسينيات كتب استاذ احسان عبد القدوس رواية النظارة السوداء….عرض فيها حكاية مادي وشلتها اللي مقضيينها نوم وسكر وعربدة وسهر وقمار….كنموذج لناس في المجتمع….وامامها عرض للمهندس والعمال وعالم الصبح والجدعنة والانتهازية برده….وازاي مادي اللي على طول سكرانة ليل نهار اتغيرت لما دخلت عالم الصبح والناس الشغالة وعرفت مواجعهم….وازاي برده اتغير المهندس الجدع للانتهازية لما بقى في المنصب….
يعني ايه؟؟؟؟
يعني الفجور موجود من ايام لوط وقومه…وما فيش زمن خالي….المهم انت عاوز تعيش الحياة ازاي
يعني ما تصنفش حد ما عشتش ظروفه يمكن لو اتحطيت مكانه تبقى اسوأ
يعني اللي حصل في فضيحة الساحل مش جديد بس التكنولوجيا خليتك تشوفه على الهوا….
يعني الصور القميئة لبنات سكرانة وشباب حاضن ازايز خمرة وبيتخانق….مش موجود بس في هاسييندا لكن موجود في حتت كتير…بس مداري….
يعني الحل صحوة مجتمع وتربية اهالي وثقافة ورقي اعلام…لانتشال اللي نقدر عليه….وبرده حيفضل الفجور موجود ليوم الدين….دي اختيارات
يارب ثبتنا واهدينا واكفينا شر شياطين الانس والجن ….في الساحل وغيره….
لا للتعميم والتشاؤم و سؤال الدنيا حصل فيها ايه….
الدنيا طول عمرها دنيا
