من تقديم الشيف رسمي سلام
اولا الزلابيا بتبقى مقرمشة من برة خفيفة من جوة وعلشان تعمل معانا كدا لازم تتضرب كويس اى تاخد عرق فى الضرب
اللى يعرف يعمل العيش القمح هيعرف يضرب الزلابيا كويس عاوزة ضرب بسرعة وبشدة
المقادير
500 جرام دقيق
5 جرام خميرة
ملعقة سكر
سنة ملح
بيضة
علبة زبادى صغيرة
ملعقة زيت
3 ملعقة نشا كبيرة
حوالى 500 جرام ماء دافى
طريقة التحضير
كلوا مع بعض فى حلة ونضربهم كويس جدا لحد متلاقيها عملت عرق او تقلت معاكى ونحط الماء واحدة واحدة حسب حاجة العجينة
وممكن نضربها فى العجان المضرب الكف وتحط فى طبق او حلة وتغطى كويس وتترك فى مكان دافى حوالى نصف ساعة لحد متخمر اوى
ناخدها ونقطعها بمعلقة صغيرة فى زيت سخن ونقلب فيها لحد متستوى وتحمر نطلعها وتوضع فى شربات تقيل وبارد
