بقلم أمينة عبد الرزاق
لايف كوتش وأخصائي تعديل سلوك أطفال
تقريباً معظم مشاكلنا وتعبنا وٱلامنا النفسية تكون بسبب الانتظار ، منتظرين حد يقولنا شكرا… منتظرين رساله تفرحنا زى اللى معظمنا كان منتظرها امبارح… منتظرين مكالمة تليفون … منتظرين كلمه حلوة… منتظرين نظرة نسرح اما نفتكرها… منتظرين اهتمام… منتظرين سؤال علينا وعلى أحوالنا… منتظرين حنيه… منتظرين طبطبه… منتظرين أمان… منتظرين تشجيع… وحد يقولنا براڤو… منتظرين كلمه مبروك… منتظرين اشخاص معينه تعمل كل اللى فوق دا….. ومنحسش بطعم نجاح ولا بأى حاجه حلوة لو كل دا اتأخر او لو جت من اشخاص تانيه غير الأشخاص المعينة دى…….
علشان كدا بلاش نعكر مزاجنا اننا نوقف فرحتنا على ناس اتعلموا يكون عندكم اكتفاء ذاتي وانكم تبسطوا نفسكم بنفسكم وتشبعوا كل احتياجتكم بنفسكم
سعادتكم اهم من اى حاجه ومن اى حد
