يوميات سيدة كيتونية
كتبت : إيمان الريس
الأول أحب اعرفكم بنفسي انا إيمان سيدة كيتونية ابتديت الكيتو من سنة بس قبلها قريت كتير عنه و سألت دكاترة تغذية و ابتديت و أنا فاهمة اللى محتاجاه
دلوقتي بقى ندخل في المهم طبعا كلنا عارفين يعنى مع الكيتو بقي الوضع مختلف تماما.
أحلى حاجه فيه عدم روتينية الوجبات بمعنى مفيش جداول اللى عاوز ياكل من المسموح حاجة يأكلها من غير قيود و مفيش يوم فرى و المهم اننا منخرجش عن المسموح و هنفهم مع بعض ونرد على الأسئلة اللى بسمعها زى الكيتو مكلف؟ الكيتو مضر؟ بنسمع عنه انه خطر… ماينفعش مريض السكر.. وهكذا
محتاجين نحب نفسنا و منقولش انا حلوة كدة و مش هخس واخس لمين لاء يا ست الكل لو بتقولى هاخس لمين بقولك هاتخسي لنفسك و لصحتك محتاجة انك تحبى جسمك و تراعى ربنا في نفسك لأنك لما تحبيه و تديله اهتمام هتلاقي نفسيتك بتتحسن و دة هايديكى طاقة و سعادة داخلية لما تلاقيكى بتنزلى مقاسات و في وقت بسيط و بيقولولك انتى عملتى ايه علشان تخسي كدة.. لأن في الكيتو حياة
تابعونى في يوميات سيدة كيتونية
رئيس قسم المرأه : دالياطه
