الشاعرة : سناء عبد الوهاب
الدنيا زي جنينة مليانة ورد وشوك
بنلف فيها وننجرح بعديها بس نفوق
الدنيا ساعة دايرة جوه صراع
قاعدين بنحسب عمر ضاع مش جاي
إزاي تشوف الضي لحظة فراق ووداع
وازاي يكونلك حلم في حد قتلك عمد
الدنيا شمس لكن حارة
تبعد تقول حرة ميهمهاش البعد
الوعد كلمة لكن ضالة
بتوه كتير عن سكتك لو بعت
ترجع تعيد من تاني في الكره
تكتب في نفس السطر اللي انت ياما مسحته
تكتب حاجات كانت في قلبك سر
تكتب حاجات بتسر والحلو مابيكملش
تكتب حاجات كتيرة بتفرح
تلقي الكلام انقلب لكل حاجة حزينة بتجرح
وان كنت شاعر قوي تطلع ضعيف في الشعر
الحب غالي وليه بنرخصه في السعر
