كتبت / شيماء شوقي
في حب الصحاب كلام كتير يتقال بس الأهم من الكلام هو الإخلاص
القعدة الحلوة والكلام اللي بيطلع من غير حساب
في حب الصحاب مشاعر جميلة وكتيرة صادقة وكلها احساس
صاحبي يعني أخويا اخترته لي الأيام وقلبي دليلي أكد وقال فيه موال
لمة حلوة على غدوة في مكان جميل مرة كرشة مرة رنجة كل اكلة وليها قصة ،
نسمع أغنية لوردة ونستمتع بلحن بليغ ونعيش مع الأغنية و تنزاح كل الهموم
إقرأ المزيد حكايات
قالوا زمان الصحاب رزق زي المال زي البنون لكن أنا بقول هما أغلى رزق من علام الغيوب
يالا ناخد صورة بسمة من القلب طالعة وشوش للحب راسمة ، يالا نجري يلا
نلعب يالا نغني نقول الكلمة يكملها صاحبك تنزل الدمعة يمسحها صاحبك
عاوزة أيه من الدنيا تاني غير صاحب من جوه قلبه حبك عاوزة ايه من الدنيا تاني غير فرحة من القلب لفرحك
عاوزة أقول لكل صاحبي ربنا يديمكم في حياتي نعمة
