بقلم مدير قسم هى وهو : داليا طه
الكلمة
كتير اوى بنسمع كلمات كل يوم وكل ساعه كلمات بتقعد معانا عمر وكلمات بتنقش في عقولنا وكلمات بتحفر في قلوبنا كلمات بتتنسي في لحظتها وكلمات بنحب نفتكرها ممكن لانها غاليه وممكن لانها علمت فينا من قسوتها كلمات ممكن تحيي وتفرح وتكون طاقه حلوه جميله ايجابيه تخلى الانسان عايز يبذل كل اللى عنده ويدى اكتر واكتر وكلمات تموت وتجرح ومهما حاولنا ننسي ونسامح الا انها حفرت جوانا من كتر الامها وجروحها وغيرت الانسان ممكن غيرت للاحسن وممكن غيرته للاوحش لو كل انسان راعي ربنا في كلامه مع اللى ادامه وشافه بيطلع ازاى وليه وامتى ولمين حاجات كتير حتتغير واولها في نفوسنا كبشر الكلمه مش لازم من حد غريب علشان تفرق او ماتفرقش القريب كلامه هو اللى بيتحفر في القلوب لانه جوا القلب واللى جوا القلب لما بينجرح لازم اللى يدويه هو في حديث عن الرسولنا الكريم الكلمه الطيبه صدقه تفتكروا كام لحظه في حياتنا اليوميه اعتبرنا انحنا بنتصدق بيها عن نفسنا تخيل كلمه صباح الخير ولا انت عامل ايه ولا ربنا يكون في العون ولا اى مساعده ولا اللهم بارك ولا كلمه حب بتقولها لكل الناس اللى حواليك يااااه حتفرق كتير مع اللى ادامك عامل رب البشر ورب البشر حيلين قلوب البشر ناحيتك ربك كريم قادر يغير الناس بس انت اتعلم وحاول مع نفسك انك تنشر الكلمه الطيبه
