لو تفكر بس مره

وفيها ايه لو تفكر بس مره
انك تخرج من قيودك
من تفاصيلك ومن جمودك
من صمتك ومن حدودك
او تصاحب فى يوم جنونك
وتعيش ف سماك من غير غيومك
تزرع فرحه بعيد من غير همومك
فيها ايه لو تفكر بس مره
انك تعيش سلطان زمانك
و تقدر تعيش من غير الل سابك
الل فكر يبعد ف يوم وهانك
وكان بمزاجه مش بمزاجك
وانت الل تملك لجام حصانك
فيها ايه لو تفكر بس مره
انك تكون ف يوم عنيد
وفى وسط ازمتك تكون شديد
وتبدء تانى حياتك من جديد
وفى خطاك دايما تكون سديد
وفيها ايه لو تفكر بس مره
طالما الحياه كده عايشنها مُره…
#شعر..شريف الهمامى