بقلم: مها نور
الحب كلمة جميلة كلها احساس وحنية ورقة، بس ياتري إحنا بنعرف نحب ؟! وإيه هو الحب من منظور كل واحد فينا ؟!
في إنسان ممكن يختزل الحب في هدية غالية، وإنسان يعبر عن حبه بكلمة مفعولها بيخلص بعد ثانية، وإنسان بلمسة إيد وبوسة علي الجبين كلها حنية.
طيب تفتكروا هو ده الحب ؟! لو كل ده اتوجد حقيقي هنحس بطعم الحب ؟!
مين فيكوا يقولي إيه هو الحب ؟!
الحب مش كلمة ولا ضحكة ولا لمسة بيروح طعمها زي قطعة السكر أول ماتدوب بتنتهي حلاوتها، الحب قوة وضهر تتسند عليه، مهما حملت عليه يفضل ثابت قوي ميخذلكش، ميذلكش، ميوجعكش، يبنيك ميهدمكش .
عشان الحب مش كلمة من حرفين، الحب قوة وضهر وسند بيجمعو حبيبين.
