اسم الطبق:كيكةجذع الشجره
مقدمه من:مطبخ براءه
مدة التحضير:ساعه
من الكيكات يلي استمتعت بتحضيرها وتزينها وطلعت روووعه وطبعا مع اللمسات الفنيه والاضافات الطبيعيه ل تبين جذع شجره حقيقيه. وتقدم بااعياد الميلاد وخاصه للاطفال تغير شكل عن الكيكه العاديه .شو رأيكن صبايا
المكونات:
مقادير السويسرول
نصف كوب طحين أبيض منخول
ثلاث ارباع كاسة سكر بودره
4حبة بيض
نصف ملعقه صغيره بيكنج باودر .
ملعقه صغيره فانيلا .ورشة ملح
الطريقه منفصل البياض عن الصفار ومنخفق منيح وبعدين منضيف البياض فوقن ومنخفق ع الواطي دقيقتين بس وبعدها بتضيفي باقي المواد الفانيل والسكر والطحين والبيكنج باودر .
الطريقة
بتحمي الفرن ع درجة حراره 350 وبتحطي الخليط بصينية مستطيلة الشكل ومنحط عليها ورق زبده وبتخبزي ع الفرن ربع ساعه .بس جهز وانخبز الكيك بتطالعي وبتقلبي ع مهل فوق بشكير ناشف وبتلفي متل الرول وع البراد شي ساعه.
بتحضري الكريمة الشوكولا وبتحشي السويسرول كريمه واذا بتحبي فواكه مجففه او فريش ع زوئك .
ومنغلف الكيكه بالكريمه وبتعملي عليها خطوط بالشوكه وبعدها بشرت شوكولا ساده وزينتها بالاغصان والورد الطبيعي
