( رسالة فرحة )
بقلم هشام الشاطر
غمض عينك
وافتح قلبك
امسك قلمك
واحكي مشاكلك
احكي لكل الناس عن شكلك
وانت حزين
حدد هدفك
لو هتلاقي الناس في شمالك
غير سيرك وامشي يمين
ثبت وتد الخير جواك
وازرع وردة انشاله في صحرا
لو هتشد الدنيا معاك
رد بكل براءة ولين
يمكن ترضى
يمكن وقت الشمس ما تحمى
تلقى حرارة شمسك هادية
ويمكن باردة
وان حسيتها خلاص بتضايقك
وبتزرعلك شوك في طريقك
هادي بوردة
اوعى تعافر
اتعامل وكأنك في سفينة
وانت مسافر
يعني حياتك فيها يادوب
مش هتزيد عن يوم واتنين
مانتش كافر
فاوعى تعيش الدنيا بتبكي
ولا تسيب الكل بيضحك
وانت حزين
بقلم هشام الشاطر
