همستنا انهرده بعنوان الرضا ساعات ربنا بيبتليك ببلاء معين ايا كان البلاء ده ممكن يكون مرض مشكلة انواع البلاء كتير
وقتها قلبك بيكون مهموم وحزين وحاسس ان الدنيا كلها اديققت واسودت قدام عنيك ساعتها بتحاول تتكلم مع حد قريب ليك هيقولك اصبر وقول الحمد لله فتلاقي نفسك بتردد لوحدك ومن غير متحس الحمدلله بتقولها وقلبك موجوع حزين متألم من كتر الهم لأ اوعي تقولها وانت مكسور قولها وقلبك كله إيمان و رضا بقضاء الله قولها وقلبك كله يقين بإن صبرك علي البلاء دة جزاءه إن ربنا سبحانه وتعالي هيرضيك وهيفرحك بهدية كبيرة اوي
ربك قادر أن يبدل حزنك دة فرح وسعادة واطمئنان بس انت اصبر متستعجلش دا حبيبك النبي قالنا
(عجبا لأمر المؤمن إن أمره كله له خير وليس ذلك لأحد إلا للمؤمن
إن أصابته سراء شكر فكان خير له . وإن أصابته ضراء صبر فكان خير له )
ربنا مبيعملش حاجة وحشة ابدا لازم نفهم كلنا الكلمة دي ونكون عندنا يقين بيها عشان ربنا حنين اوي عمرو ما هيقسا علينا ولازم دايما نفتكر كلمتة (لا يكلف الله نفسا الا وسعها ) همسنا خلصت يارب تكون عجبتكم استنويني في همسة جديدة
بقلم مها نور
