الزواج هي الحرب الوحيده التي تضطر للنوم فيها بجانب عدوك .
بالله عليكم لما تقرو بوست زي ده وانتولسه شباب مقبل على الزواج . هتكون ايه فكرتكم عن الحياه الزوجيه . طب لو انتو متجوزين وقريتو البوست ده . هيكون رد فعلكم ايه .
اقولكم انا . هيطلع من جواكم المارد . وكل واحد وواحده هيشوف نفسه مقهور . وفي منكم بيفكر الطعنه هتجيله منين . وهتمتمو وتمصو شفايفكم وتقولو . ( اه والله عندك حق ) .
هيه دي الافكار المسمومه اللي ديما باحاول اكلمكم عنها . بدل الزواج موده ورحمه . بقت حرب .اصبح كل واحد عايش في حالة تأهب للتاني . لغينا عقولنا وضمايرنا ومشينا ورا بوستات الفيس . الحرب المعلوماتيه على قيامنا وتعاليم اديانا .
كل الاديان قدست الحياة الزوجيه . ومواقع التواصل الاجتماعي حولتها لحرب . وده مجرد مثال . لكن البوستات اللي بتحرضنا على بلدنا وعلى دينا وعل قيامنا ومبادئنا كتير اوي .
لو اتكلمنا بنظرية المؤامره هتلاقي الف من يسخر . ويقول يا عم ارحمنا . هو يعني اللي كتب البوست ده اسرائيلي ولا امريكي . ده مجرد بوست هزار .
احب اقول لحضراتكم الحرب المعلوماتيه تعني انه يغرز جواك فكره معينه . ويسيبك انت تعيش . وغالبا الفكره بتكون تمس حاجه بتسبب مشاكل في حياتك .
زمان اللي كان بيشتكي من الجواز كان بيقعد مع اصحابه المقربين ويحكي . وممكن تلاقي واحد طالع بيشكر في الجواز لانه مرتاح في حياته . يعني كان في توازن في الافكار ووجهات النظر .
لكن انهارده حضراتكم تلاقو بوست تروحي جري تشيروه وتلاقي مليون كومنت . اه والله عندك حق . ولو واحد عارض فكرة البوست يكون الرد عليه بكلمة . يمكن .
دي بقت حياتنا ودي ثقافتنا .
زمان كنتي تزعلي من جوزك تجري على التليفون وتشتكي لاخته او والدته او حتى تفضفضي مع والدتك او اختك . وهتلاقيهم كلهم خايفين عليكي وينصحوكي والموضوع بيتلم بين 3 ا 4 اشخاص ومحدش غيرهم بيعرف اسرار بيتك ودخلياته .
انهارده تزعلي مع جوزك تجري ترزعي بوست يحكي مأساتك معاه . ومصر والعالم كله يعرف انك زعلانه ومقهوره ومظلومه . وتلاقي الف واحد بيدعو ع الراجل و3 ألاف بيشتموه . وممكن يكون مظلوم وانتي اللي عندك المشكله .
بيوتنا واسرارنا بقت على المشاع وكل الناس متطلعه عليها .
فين زمان لما كنا بنقول الراجل والست سر بعض .
وبنستغرب ليه حالات الطلاق بتزيد . وحياتنا بقت كلها نكد ومافيهاش بركه .
ارجعو لدينكم وتعاليمكم ومبادئكم . ارجعو لنفسكم وبلاش نتساق من بوست ونلغي عقلنا بكومنت .
واهي مجرد فضفضة
