لسعة الحب

بقلم إيمان أبو سيف

صفحه بيضا كلها علامات استفهام ؟ ومين غير اجابه 

.. no answer

حاجه كدا كلها ذبذبات .. موجات …ارصاد جويه متقلبه مفاجئه محدش فاهم بدايتها من نهايتها..

حاجه كدا بتشتغل فيها كل قرون الاستشعار عند الانسان ولا اجدعها جهاز كشف التنقيب عن البترول.

حاجه كدا بتشمها قبل ماريحتها تهل .. تشوفها قبل ماصورتها تطل

حاجه كدا غير منطقيه .. وملهاش معادله ..ويحتار فيها اكبر علماء للحسابات او التحليل او المنطق

حاجه كدا بتلخبط كل الجزيئات داخل خلايا جسم الانسان وتتوه كل الكريات الحمرا والبيضا والالوان اللى لسه معرفنهاش

حاجه كدا تسرع نبضات القلب وفى نفس ذات الوقت توقفه ..

حاجه كدا بتعمل توقف مفاجاأ للذاكره وفى نفس ذات الوقت اسرع ذاكره ولا ذاكرة السوفت وير 

حاجه كدا بتلخبط كل هرمونات المسئوله عن السعاده والحزن بشكل اضطرابى مخيف

حاجه كدا زى لسعة البرد اللى بتدخل العضم وكل فقره فيه بتتوجع منه 

حاجه كدا اسمها لسعة الحب