خطوات تعليم الميكب وهو اهم درس و هنبدأ بكريم الأساس ( الفاونديشن)
كتبت : ايمى العربى ” خبيرة التجميل والعنايه بالبشرة “
يلا يا بنات منشن لصحابك عشان كل البنات تستفاد أول درس فخطوات تعليم الميكب وهو اهم درس و هنبدأ بكريم الأساس( الفاونديشن)
١- اول حاجة اختيار الدرجة المناسبة لبشرتك كتير من البنات بتقع فى غلط انها تجرب الدرجة على ايديها اوعى تعملى كدة لأن ساعات الأيد مبتبقاش درجة وشك لازم تجربى على وشك نفسه تاخدى نقطتين وتدمجيهم فحتة من وشك لو لقيتى النقطة الى اخدتيها اغمق من وشك تبقى درجة اغمق ولو الدرجة افتح من وشك هتلاقيها قلبت رمادى او مجيرة طيب امته اعرف انها درجتى لما تبان طبيعية واكنك مش حاطة يبقى هى دى درجتك
٢- تانى حاجة لازم كريم الأساس يكون لنوع بشرتك يعنى لو جافة مفيهاش حبوب وناشفة تجيبى فاونديشن خاص بالبشرة الجافة لو دهنية فيها حبوب او زيوت ولمعان تجيبى خاص بالبشرة الدهنية ولو مختلطة يعنى جزء فيه زيوت ولمعان وجزء لأ تبقى بشرتك مختلطة تجيبى فاونديشن للبشرة المختلطة وبالنسبة للأنواع الى لكل بشرة هتسألى المختصة الى فقسم الميكب وهى هتقولك على انواع كريم الأساس فكل الماركات الخاصة بنوع بشرتك وانتى هتختارى الأنسب لدرجة بشرتك والأنسب للميزانية طبعا عشان منفلس
٣- تالت حاجة طريقة الدمج الصحيحة احسن طريقة
?
?
?? للمبتدئين واسهلها البيوتى بلندر بنات هتقولى البيوتى بلندر الأصلية غالية هقولها فى حاجة سحرية بتحل محل البيوتى بلندر اسفنجة ب٧جنية هنزلكم شكلها فالكومنت تحطو بيها لحد ما تحوشى فلوس البيوتى بلندر لأن عيبها بتتقطع بسرعة واهم حاجة فوضع كريم الأساس متحطيش كتير او كذا طبقة عشان ميقطعش على وشك خير الأمور الوسط وطبعا قبل ما تحطى كريم الأساس ترطبى وشك وتحطى برايمير واحسن نوع فالسعر المتوسط ويناسب كل انواع البشرة برايمير لوريال طيب بنت هتقولى الميزانية خرمت هقولها جيبى جل الصبار من أمتنان واستعمليه كبرايمير قبل كريم الأساس هي حل محل البرايمير وهيبقه ارخص بكتير
٤- رابع حاجة والأخيرة لازم تثبتى الفاونديشن ببودر وخصوصا فمنطقة العين والجفن عشان ميعملش خطوط فوق عينيك بيبقى منظرها وحش خصوصا وانتى نازلة مع خطيبك او حبيبك بتبقى حاجة تكسف اوى واحنا لازم نبقه مزز مش كدة ولا أيه يا بنات
يارب تكونو استفادو وتابعو كل يوم دروس تعليم الميكب خطوة بخطوة
