مش قد الشيلة متشلش

مش قد الشيلة متشلش.

بريد القراء أعداد : هويدا صاير

أصرارك علي شئ غلط وأنت عارف أنه فيه ضرر لغيرك نفسي دا منتهي العند والغباء أللي ممكن يخسروك كتير ، والقاعدة بتقول لاضرر ولا ضرار ، مش قد الشيله متشلش سيبها لغيرك هو أولي بيها ، لأن في مشاكل في حياتنا لازم نتخلي فيها عن الأنانيه وحب التملك خصوصا لما تكون متأكد أنك مقصر وغلطان ودا عشان المركب تمشي في سلام وأمان..

دي مشكلة السائلة ن ف:

أنا متجوزه بقالي خمس سنين من قريبي وبيحبني جدا وحنين وبيدلعني وبيخاف عليه وبيجبلي كل اللي نفسي فيه ، مشكلتي في العلاقة الزوجية معاه رفضاها نهائي من يوم متجوزنا ، كل ميقرب مني أحس زي مايكون قدامي حيوان وهيغتصبني أصوت يطبطب عليه مش هيحصل حاجه خلاص ، وكلمني أكتر من مره أعرضي نفسك علي دكتور نفسي أو علاقات زوجيه وهوديكي بنفسي أنا أللي برفض ، ولا حد من أهلي وأهله يعرف حاجه عن الموضوع دا ، حتي موضوع الخلفه هو بيقولهم لما ربنا يأذن المشكله عندي ، كلمت شيوخ أسألهم قالولي يا تتعالجي يتطلقي أنتي كده مسببه ليه ضرر ، يعني أيه مسببه ليه ضرر ما أنا نفسيتي مش متقبله الموضوع دا ، وفي قالولي أنتي معمولك عمل ، وأللي قالولي سبيه يتجوز حرام عليكي بدل ميخونك أزاي يعني مش فاهمه هو المفروض أعمل أيه؟

السائلة الكريمة:

طبعا أللي هقوله دلوقتي تكمله لقصتك أني سألتك أنتي أتعرضتي لأي أعتداء جنسي في سن صغير خلي موضوع العلاقة الزوجية بالنسبة ليكي مرفوض وبتشوفي جوزك في صورة الأنسان أللي عمل معاكي كده ، أو حصل حاجة مابينك وبين حد حبتيه قبل زوجك مثلا عشان كده رفاضها مع اي حد تاني حتي لو زوجك ، رغم أنك بتسأليني أعمل أيه كان ردك ليه صادم بعتذرلك مش هجاوب علي السؤال دا يا أستاذه ، والأهم أننا متواصلين مع بعض أنا وأنتي بقالنا ست شهور أقولك تعملي أيه تختفي وترجعي تقولي لا لا مش هعمل حاجه من دي ، عندك كم أصرار وعند غير طبيعي وغير مفهوم عدم ردك علي سؤالي بعصبية دليل أن أحتمال تكون دي الحقيقة بنسبة90% ، وبصراحة أنتي مستغلة أن زوجك حنين وكل طلباتك مجابه مش هيقدر يتجوز علية هيستحملني العمر كله أنتي أنسانة ظااااالمة وغير مقدرة لنعمة الزوج الرحيم الصبور ، سيبك من الدجل والأعمال والجو أللي بنرمي عليه فشلنا وخبيتنا، أنتي عارفة المشكلة فين ولازم تتخطي الحاجز أللي جواكي نتيجة السبب الحقيقي ، فأيه المانع من زيارتك لطبيب نفسي تخصص علاقات زوجية وتتكلمي معاه بصراحة ودي بتكون جلسات في سرية تامة ، وأيه المانع أنك تساعدي نفسك بنفسك لأن السبب معرف وتقوي وتستعيني بربنا وتنسي أي شئ فات بأرادة قوية منك وأبدأي صفحة جديدة مع زوجك أللي محتضنك خمس سنين وبيحاول يساعدك ، أرجوكي كفايه لحد كده خمس سنين كتير جدا وأنتي بعندك دا أحتمال يكونوا عشرة وعشرين ولا فارق معاكي أللي بيسأل أعمل أية أنسان فعلا عايز ياخد خطوة صح في حياتة ويتغير ، لكن اية فايدة السؤال مادام أللي في دماغي هو هو مش هيتغير ، ليه مش هيتغير؟ هو كده ، وكأنك بتنتقمي من زوجك في رجولتة وبكده بتحسي براحة وأستمتاع ، للمرة الأخيرة خدي خطوة إيجابية سريعة وشيلي كل الحواجزعشان تكوني زوجة طبيعية جديرة بحب زوجها أو تطلقي صراحه لوجه الله ، وأسأل الله لكي الهداية وصلاح الحال.