عجبت لك
ابراهيم حجاج
عجبت لك
من حال لحال
معرفش أيه بيبدلك
ملموس ياعيني بفعل جان
طب ده احنا حتي ف رمضان
محبوسة فيه ولاد الشيطان
خلتني اقول كلام غريب
مقدرش أقوله لأنه عيب
يخرب شيطان اللي في مرة يزعلك
–عجبت لك–
مجنون حبيبي كتير اوي
ودماغه ناشفة بالآوي
فاكرني عشان بسكت اوي
مقدرش اقول وأرد لك
ميت الف مرة قلت لك
ان الحكاية مش كده
دماغك مرتاحة لكده
واخداك بعيد هتبهدلك
ياحبيبي حرام
احنا في صيام
تعبتني بكتر الكلام
زنان وكلت ف الودان
غلطان عشان سكت لك
هو انت ايه مبتختشيش
يا تسيبني يا ترضي وتعيش
لحسن اجيبلك الشاويش
والله ياخدك يسحلك
اسمع كلامي بقولك ايه
حبك وبس بعيش عليه
حبيبي فاض بيا خلاص
يا تتعدل
يا افطر عليك وابهدلك
ابراهيم حجاج
رمضان..زمان
مدير قسم الادب والشعر
علا السنجري
