أحمد عثمان توفيق
مات الضمير
والعزا من غير صاحب
كان بينا عايش هنا
عامل ميزان للناس
الكل كان وياه
الكل كان حساس
كان يحكم الكل
والكل يعمل له حساب
فجأة الضمير اختفي
من بين قلوب الناس
ظهر بداله الطمع
قام داس علينا ياناس
مابقاش في خوف علي بعض
ضاع مننا الاحساس
وسكن في دارنا هنا
خوف وذل وطمع
الدنيا غدرت بينا
ولااحنا اللي غدارين
والغدر بقي طبعنا
ولااحنا اللي طماعين
ناكل حقوق بعضنا
من غير خشا ولادين
ودقونا طويله لهنا
وجلابيبنا قصيرين
وافعالنا ماترضيش ربنا
وندور عليك ياضمير
ضميرنا كان ساكن هنا
وطردناه من سنين
واليوم سمعنا بوفاته
عملنا زعلانين
واحنا السبب عندنا
طردناه من سنين
مدير قسم الادب والشعر
علا السنجري
