كتبت/إسراء أحمد
من كام سنة وأنا واقف ورا الشباك زى ما أنا
من كام سنة ورا الشيش بتفرج أنا
شوفت كتير وقليل عشان كده قررت أتكلم هنا
شوفت بنت بوش عسل،وقلب ابيض زى السكر،وضحكة مليانة أمل،شوفتها من كام سنة
النهارده بشوفها تانى ولقيتها قد ايه اتغيرت،وبقيت وش مطفى ليه كده،بقيت ضحكة باهته جار عليها الزمن،عينيها كانت بتلمع من كتر الهنا،دلوقتى حد تانى كأن معرفوش أنا
يا ترى حد يعرف ايه جرى؟!
من كام سنه شوفت شاب مبسوط وهو داخل جامعته،خلاص يا ناس هيحقق حلم والدته،شوفته بيذاكر وبجد كان بيعافر واتخرج وبقا خريج ياناس،ومن الهنا أمه فرقت شربات هنا وهنا،خلاص بقا ابنى هيشيل همى هنا
بس النهارده شوفت أمه حزينه ومكسوره كده،والشاب الفرحان اللى كان مليان طموح وأمل دلوقتي كل همه انه لو هيبيع هدومه بس يبسط أمه ويشتغل ويرجع فرحتها اللى تاهت مع الزمن.
يا ترى حد يعرف ايه جرى؟!
من كام سنة شوفت أب فرحان بدخول ابنه الجيش ،يا ناس ابنى هيبقى ظابط ومين هيبقى زيه هنا،ابنى هيحمى بلده ويقول التاريخ عنه،والولد فرحان ايوه هحمى بلدى بكل دمى.
والنهارده شوفت الأب حزين زعلان،ودموعه مبتفارقش عينيه،اتارى الارهاب سرقوا منه فرحة سنينه،والاب صابر ابنى عند الشهداء اكيد سعيد ومبسوط بس يا بنى كنت أتمنى معايا تكون موجود.
يا ترى حد يعرف ايه جرى؟!من كام سنة
