بقلم : رانيا حجازي
هانبقي أخوات . .
انا وانتي مافيش تكليف
لكن حُب . . !
انا يابنتي ماليش في التكـتيف
قالت حاضر . .
وانا موافقه نكون اخوات
نقابل بعض بالصُدفه وننسي ساعات
سِهرنا فيها علي القهوه و نمنا ف شات
ومن هنا ورايح بلاش تهتم
وتزود من همومي هـمّ
وتتعب قلبي علي فاضي
ف نبعد وانا راضية وانت راضي
–
إتوهمت إني حبيت وخوفت أقول
ف من هنا ورايح بلاش تهتم
عشان بتعب لما الاهتمام بيزيد
بدوق منه وانا عارفه مكانه بعـيد
–
صُحاب لكن بـقينا أبعد من الأول
بِعدنا وقولنـا القُرب بحدود
عايشين علي المحبه نتسول
وبيعجبنا الطريق المسدود
هزمنا الحُب لما رمينــاه
في دايرة الفريندز زون
كدبنا كتير عشان بنكابِر
وقولنا ماحبناش خالص
إنسان كامل بمواصفاته
م الحنان ناقص ف عاش مجنون
–
كُتر خوفنا من الحب خلانا
خايفين حتي نجربه
عشان كل إللي بعدوا
في الحقيقه كانوا بيحاولوا يقربوا .
