صائغ القوافي الشاعر
فهد بن عبدالله الصويغ
نفسي اكتب لك أجمل حروف
من خيال يقراه ألاف ألألوف
تغنيه في دنيتنا الشفايف
و يبقى نقش على الكفوف
اقدر أقوله وما أبقاش خايف
و الأعمى لما يسمعه يشوف
نفسي اكتب لك كلام قطايف
والحشو فيه شهد الحروف
نفسي بس مش قادر و عارف
أوصل لحرف يغير الظروف
نفسي أرد جميل حبك وأسف
مستحيل أقدر آرد المعروف
انت عارف و برضه إنت شايف
قد إيه من الشوق ملهوف
لكن يا قلبي زي منتا عارف
ساعة ما قلتها والقلب مخطوف
بقيت من العيون عليك خايف
و لما أشوفك يسرقني الكسوف
كل كلام الحب بحروفي طايف
لا غناها كاظم ولا قالها وسوف
كلام جديد بس مش عارف
أقوله ولا لاقيله معاني بالحروف
إقرأ أيضا
مدير قسم الأدب و الشعر
علا السنجري
