سيد صادق
نفسي ارجع زي زمان
العب اشخبط ب الالوان
و العب و امسح عرقي ف كمي
و يروح مني تعبي و همي …
و انام تاني علي حجر امي
و امي تقولي هتجيبلي جنان
*********************
نفسي انا ارجع عيل تاني ….
و امي تقولي ادخل ذاكر …..
و اقعد اعيد و اسمع ف اغاني …
وايه اللي ذاكرته انا مش فاكر
و لما ابويا يسأل عني ….
و يقول فين ابنك بسلامته ….
ساعتها بحس نفسي كأني …
واحد بعد دقيقه قيامته …
و ريحه الشارع يوم الجمعه ….
و الشعراوي و التفاسير ……
و لا فانوس رمضان ابو شمعه ….
و فطوطه و الفوازير …
ولا اصحابي و هيصه اخويا ….
و يا سلام بقي وقت الماتشات ……..
و امي لما تنادي لابويا ……
و تقولي مفيش خروجات ….
و اول حب و اول شوق ….
و اول ليله من غير نوم ….
و لما روحت البحر بطوق ….
مكونتش لسه بعرف اعوم ..
و منير لما كان بيغني …..
و عمرو لما قال ميال ….
و ايهاب لما غني اكمني ..
و حميد ياما ف الشوق قال …
إقرأ أيضا
مدير قسم الأدب و الشعر
علا السنجري
