برشامه
الشاعر هاشم محمد السيد
فيوم عادي وانا مروح قابلت واد بيطوح قلتله مالك ياحبيبي قلي ياناس انا برشامه
قلتله سلامتك عيان تقصد اجبلك برشام يصلي وهو قرفان وعيونه مفهاش علامه
باين عليك مبتفهمش خليك فحالك رووح وامشي انا اصلا اسمي برشامه
انا خفت من نظرة عينه وقلت فنفسي الله يعينه لا لوم عليه ولا ملامه
قلتله هروح خلاص ماشي ومشيت مش عارف فين راسي وضيعت البيت وعنوانه
أبكي يابلدي علي ولادك هم ضاعوا وضاعوا احفادك حصره عليهم وندامه
واحد إسمه برشامه واصحابه بشله وانبوبه
والريس قال اسمه حمامه
مسكينه يا مصر الله يعينك وقال علي همك حسدينك وبلاد العالم حسدانه
حكومه وضماير فاسده وشباب أهي ضاعت من القعده والبيعة كلها خسرانه
ناس بتشحت ع الباب وناس بتكح تراب ومش وحدك انت يابرشامه
