بقلم/إسراء أحمد
عمرك فكرت فيها
مرة سألتها مالك
إيه يا حبيبتى غير أحوالك
بالعكس كل يوم مبتملش من سكوتك
ورغم السكوت بتسألك مالك
أصلها جميلة
وأنت بكل برود بترد وتقول مالى خليكى فى حالك
ولا أقولك قومى ذاكرى لعيالك
عرفت بقا إنها شايلة همك وهم عيالك
ورغم كده مفيش منك حنية ليها
أو حتى بكلمة تراضيها
فكر تفرح عنيها
والله هتشلهالك جميلة
مرة فى الأسبوع بلاش أسبوع نقول يوم فى الشهر
قولها وحشتيني
أو بخروجة بره البيت تهنيها
عارف لو بس هتمشيها
هتلاقيها طايرة من الفرح وبتدعيلك
والدموع من حاجة بسيطة هتشوفها فى عنيها
هى وردة جميلة الشوك ليها
والريحة الحلوة للى حواليها
زوجتك أمانك حمايتك سندك
بلاش تخسرها وتعقد فيها
دى هدية
ربنا أمنك عليها
واحنا الهدية من شخص عزيز علينا
بنحتفظ بيها
ما بالك بهدية من رب العباد لينا
إقرأ أيضا
