صائغ القوافي الشاعر
فهد بن عبدالله الصويغ
ياناس إن اسرني الجمال ماهو بعيب
هذا القمر اللي كلكم دايم تمدحونه
عشق القمر لا هو حرام ولا هو غريب
ليه اليوم جايين عن غرامي تمنعونه
تدرون كيبوبيد الحب سهمه يصيب
وأنا قلبي قد صابته سهام عيونه
ما عاد ينفع معي مقرء ولا طبيب
تشربك القلب ولا عاد تقدروا تفكونه
صار دمي مثل لون قلبه أبيض حليب
ماعاد تقدروا ياناس عني تفصلونه
إشلون أسلاه وهو لي أغلى حبيب
صعب علي تراكم اللي تطلبونه
لو تبون اجعل لكم البحر زرع خصيب
أهون علي من اللي جايين تقولونه
لو تبون الشمس عن الكون تغيب
أسهل علي من اللي تبون بي تسونه
هو حياتي و لطلبكم مقدر أستجيب
أنا أحارب الكون كله لو مرة تزعلونه
أصل الغرام ياناس من فوق مكاتيب
لا هو بأمري ولا بأمركم تبدلونه
إنسوا إبتعد عنه أو عنه مرة أغيب
هذا يا جهال اللي كلكم تجهلونه
30-1-2018
