ثروت بديع
بحبك ولكن
مش بحبك وبس
بحبك ولكن ضد الشروط
وباصى وشوط
و اتخن وخس
بحبك و ادينى سمعك
و هسسس
لحظة فهم لحظة سكوت
عمرى ماهقدر إحبك وبس
بحبك ولكن
معاكى هافضل احب الأماكن
أحب الذهاب و احب الإياب
وشوية قرايب و شلة صحاب
وساعة ما تشتى أحب السحاب
رافض الإنسحاب من حب الحياة
بحب الوجود معسل ومر
بحبك وحر
وكل حر وليه مبتغاه
بحبك ومعاكى
قلبى هايفضل يحب الإله
ووقت الصلاة
بحبك وحر
بحبك و اصر
وانت معايا تعيش انت حر
ورافض لحبى قيود أوشروط
وهات لجل خد
وباصى لجل أشوط
بحبك و احن
الصبح ابقى عيل
ويوم الأجازة اانتخ وأيل
والاعب العيال
ياخدنى الخيال
اخدك واطير
واحبك كتير فى وسط الحياة
ولمة قرايب ولمة صحاب
وسرى وسرك محبوس جوه باب
ماتشوفه الإماكن
ولاحبة قرايب وشلة صحاب
بحبك ولكن ……
بحبك وبس …..
مدير قسم الادب والشعر
علا السنجري
