متابعة : رضا علي عرفة
يعنى يبقى عندك طفل متكلم ولبق وجرئ👌😇
يعنى يبقى عندك طفل بيحترمك❤ مش بيخاف منك ويقدر يناقشك ويناقش اى حد لحد مايفهم👏
يعنى يبقى عندك طفل بيعتمد على نفسه ✊وانتى كمان تقدرى تعتمدى عليه💪
يبقى عندك طفل صادق وحنون ومتفاهم 😍
يبقى عندك طفل قائد😇💪 مش منقاد 😞
ومحدش يقدر يسيطر عليه او يجعله يفعل اشياء غير مقتنع بصحتها👧👦
يبقى عندك طفل قليل الاخطاء👏 سعيد فى حياته ومسيطر عليها😍
طب علشان يبقى عندك الطفل الرائع ده يبقى لازم تبقى أم رائعه انتى كمان 😉👏..
وتتعبى شويه علشان تحصدي الحجات الجميله دى فى ابنك👌😍.
يبقى نعمل ايه بقى؟؟ …..
اول حاجه …بلاش نقول للطفل الكلام السلبى وخصوصا لما بتبقو متضايقين ..
يعنى بلاش❌
انت غبى.. وانت رغاى.. واصل انت كل حاجه بتعملها غلط.. وانت فاشل ومفيش منك فايده..
الكلام ده احنا بنقوله بس علشان ننتقم من الاطفال😞 لانهم بيغلطوا مع ان ده الطبيعى ماداموا اطفال👧👦 فى سن التعلم .
يعنى لازم يغلطوا اومال هايتعلموا ازاى ❓❕😉
وكمان بلاش عاده انكم اول ماتشوفوا حد من المعارف او الاصدقاء او الاقارب…
نروح قايلين له كل الاخطاء اللى بيعملها الطفل👦.
وياسلام لو الطفل عمل حاجه كويسه و حد مدح فيه❤ تخرج الام وكانها بتنفي عنه تهمة …
“اصل انتى متعرفيهوش”
وتفضل تحكى وتقول كل ما هو سئ عن طفلها لتملأ به الآذان 👂👂
مش بس كده.. ده كل دا على مسمع من الطفل نفسه وساعات بيكون فى اطفال تانيه سامعين مساوئ طفلها كمان.
ليه نعمل كده فى ولادنا ؟؟؟؟!!
أرجوكي بلاش❌
لان ده بيخلى الطفل منطوى😞 وعنيف 😡وكاره لك ولمن حوله جميعا..
وهيبقى فعلا عند ظنك فيه… مابيعملش أى حاجه صح وكذاب للأسف!
وكل ده رد فعل على اللى سمعه منك😞 واحراجه قدام الناس والاطفال😖 وبيشعر انه فاشل😥 ..
فلازم ياخد اوامر مينفعش يفكر ولا يختار اى حاجه لانه للأسف بقى مقتنع ان أى حاجة هيختارها هاتكون غلط 😩.
طب خلاص قررنا نتغير ونخافظ على شخصية ولادنا ومش هانعمل كده …
يبقى كده ابننا هايبقى واثق من نفسه ☺؟؟
لاء لسه😉
لازم أمهات العباقره الحلوين💪 يعملوا حاجات تانية مهمة كمان
اللى هى ايه؟!
✔نمدح الطفل كتييييييير جدا👏👏 ولو عمل اى حاجه صح نشكره عليها ونشعره بأهميتها بالنسبه لنا😍 .
✔نمدحه فى المجالس مع الاقارب والاصدقاء ونذكر حسناته وافعاله الجيده وكيف هو طفل رائع.
نتكل عليه فى بعض الأحيان فى أمور تناسب سنه وقدراته حتى يستطيع اتمامها بشكل جيد.
✔نحكى له دايما عن مدى حبنا له وفخرنا به وأنه نعمة من نعم الله علينا واننا سعداء جدا 😍😇لان الله رزقنا بطفل مثله 😍.
✔نعتمد عليه فى بعض الاشياء كشراء بعض الاغراض التى نحتاجها او نطلب منه يفكرنا بميعاد معين
او نقول له يطلب بنفسه حاجة او اثنين لما نكون بنعمل شوبينج
او نخليه يحاسب البائع ونحكي له قد ايه احنا سعداء وفخورين به😍👏 عشان قدر يعمل كل الحاجات دى .
✔اذكرى دائما فى بدايه الكلام انك واثقه من انه قادر ان يفعل كذا وكذا عشان تعطيه طاقه وحماسه ليكون عند ظنك بيه.
✔ لما يخطئ طفلك و دا امر طبيعى جدا ..نمدح الجهد👏👏 الذى بذله ونشجعه على بذل المزيد من الجهد فى المرات القادمه 💪😉.
✔واخيرا احكى له عن مواقف حصلت معاكي وانتى صغيره لأن دى طريقه رائعه لتحفيز الاطفال💪 لأنهم دايما بيحبوا سماع حكايات عن طفوله والديهم 🌹
